Claymore Portable Fan V600+ Black (CLFN-V610BK) 風扇

炎炎夏日最緊要有把幫到手既風扇，近年就有唔少品牌特別為戶外活動推出左五花八門既便攜式風扇，細細把但風力強勁，而且收納細方便帶出街！

Claymore V600+風扇外貌設計非常靚仔，帶出街都絕對唔失禮。風扇設有掛臂及三腳架，可以按需要選擇座枱、用三腳架支撐或吊掛，彈性更大。當風扇安裝上三腳架時，可以上下調教45度。頂部設有兩組指示燈，分別顯示比你知有四段風速調教，同可設定時間掣。時間掣亦可以分別設定為1小時、2小時、3小時同4小時。風扇既每段風速運行時都唔算嘈，加埋時間掣，咁樣就算夜晚訓教開著都唔使擔心啦！

V600+電池容量有7,800mAh，可以使用USB-C 充電，續航力達到7-32小時，用足全日都冇問題。風扇頂部既時間指示燈同樣為電量指示燈，隨時提醒你要差電。帶返屋企清潔都好輕鬆，將風扇保護罩拆出，保護罩可以直接用水沖洗，而扇葉位置建議用毛巾清潔，千萬唔好直接用水沖洗呀！勤力清洗既話風扇就唔怕用得耐積塵，長期Keep住咁靚仔。